محتارة تطبخي اية النهاردة وبتسألي نفسك السؤال الروتيني ده علطول..ولا يهمك انا هساعدك وهطبخ معاكي بس بطريقتي...وكل اسبوع هنا هتلاقي وجبة متكاملة جديدة وبالهنا و الشفا
البطاطس المحشية
المقادير: 2ك بطاطس سغيرة مدورة - ½ك لحم مفروم فرم خشن - 1 ك طماطم مقشرة مهروسة – 2 كوب مرقة
لحم أو دجاج – 1 بصلة كبيرة مفرومة – 2 ملعقة كبيرة ثوم مهروس – 1 ملعقة صغيرة سمن – 2 ملعقة كبيرة زيت – 1 ملعقة كبيرة
ملح – 1 ملعقة صغيرة فلفل اسود مطحون - ½ملعقة صغيرة قرفة مطحونة – ½ملعقة صغيرة حبهان مطحون – رشة جوزة الطيب –
زيت نباتي للتحمير
الطريقة: قشري البطاطس و اغسليها و قوريها – اقلي نص كمية البصل في السمن و الزيت مع رشة صغيرة من
الملح و الفلفل الاسود وقلبي غلى نار هادية لحد ما البصل يذبل وبعدين ضيفي ملعقة صغيرة من الثوم – بعد كدة
ضيفي اللحم وقلبي وبعدين ضيفي البهارات و الملح وقلبي و سيبها لحد مل تستوي – احشي البطاطس وبعدين
حمريها في الزيت لحد ما تاخد اللون الدهبي وطلعيها و صفيها – في وعاء غويط حطي شوية زيت وقلبي فية باقي
البصل وملعقة صغيرة من الثوم ورشة ملح وفلفل اسود وقلبي على نار هادية و بعدين ضيفي الطماطم وقلبي
وسيبية لحد ما يغلي – ضيفي المرقة وسيبه لحد ما يغلي و بعدين ظبطي الملح – سقطي البطاطس وبعدين غطي
الوعاء وسيبية على نار متوسطة لحد ما تستوي البطاطس – لما البطاطس تستوي حمري الثوم الباقي في ملعقة
صغيرة زيت او سمن لحد ما يدبل وبعدين حطيها على البطاطس وسيبيها دقيقة كمان على النار وبعدين طلعيها
وقدميها مع الارز المفلفل
أرز أبيض وبني
المقادير: (الكمية ل 4 اشخاص) 2كوب ارز مصري – 1 ملعقة كبيرة سمن – 1 ملعقة كبيرة زيت ذرة – 3 كوب
مرقة دجاج او لحم سخنة – 1 ورقة لاورا
الطريقة: اغسلي الارز و صفيه – سخني الزيت والسمن في حلة على نار متوسطة – حمري كوب ارز لحد ما ياخد
اللون البني – ضيفي باقي الارز و قلبي – ضيفي المرقة وعليهم ملح وورقة اللاورا وسيبيها لحد ما تغلي – خفضي
النار أول ما الارز يشرب المياه – سيبية على نار هادية لحد ما يستوي وبعد كدة قدمية -
المهلبية ابيض في بني
المقادير: مهلبية الكاكاو: 2 كوب لبن – 4 ملعقة كبيرة سكر – 2 ملعقة كبيرة نشا – 2 ملعقة كبيرة كاكاو بودرة
الطريقة: ذوبي كل المكونات في اناء وقلبي على نار هادية لحد ما يبتدي يتماسك – صبي في اطباق فردية
لحد النص – دخلية التلاجة لحد ما يبرد.
المهلبية البيضاء: 2 كوب لبن – 2 ملعقة كبيرة نشا – 4 ملعقة كبيرة سكر – 2 حبة مستكة مطحونة - 1 ملعقة
كبيرة ماء ورد - ½ملعقة صغيرة حبهان مطحون
الطريقة: في اناء صغير دوبي اللبن و السكر والنشا والمستكة والحبهان على نار هادية وقلبي لحد الخليط
ما يتماسك –ارفعي من على النار وضيفي ماء الورد وقلبي و بعدين صبي الخليط على مهلبية الشيكولاتة اللي
كانت في التلاجة – دخليها التلاجة تاني لحد ما تجمد – زينيها بالفستق او الشيكولاتة المبشورة
ليست هناك تعليقات:
إرسال تعليق