نخرج فين ؟!

عاوزه تخروجى خروجه حلوه رومانسيه ومن غير فلوس كتيير تعالى أقول أماكن حلوه جدا تنفعك انتى وخطيبك او حتى انتى والعائله كلها واحفظى الكلام ده عندك لأن بعد كده لو جوزك ان شاء الله قالك يلا نخروج تتطلعى عالطول وتقوليله ممكن تروحو فين بدل ما تفضلى تفكرى انتى وهو وفى الأخر تقعدو وتتطلبو حاجه من بره وخلاااااص أسمعى بقى يا ستى
فى أماكن كتيير بنشوفها وبنبقى نفسنا ندخولها بس بنخاف نلاقيها غاليه اوفر يعنى فامش بنحب نحرج نفسنا ونسأل انا بقى هبعد عنك كل الاحراج ده  

أول مكان سبكترا :

فى واحد فى 14 شارع عبد الحميد لطفى فى المهندسين وفى واحد فى شارع الهرم أمام شارع العريش على طول ده الحد الأدنى فيه 50 جنيه وبصراحه مكان شيك أوى أوى بس هو مش كافيه هو مطعم ومنقسم الى جزأين جزء للناس اللى بتشرب سجاير وجزء للناس اللى مش بتشرب سجاير المهم بيبقى زحمه جدا فى الأعياد ورمضان ولازم تحجزى من قبلها بيومين فى المناسبات

تانى مكان وهو أكسبرسو :
ده فى 17 شارع شهاب فى المهندسين الحد الأدنى :50 جنية  عاوز مجموعة أصحاب لان هو فى دوشه وسهره حلوه والحقيقه هو مكان جميل بس مينفعش اتنين مخطوبين رايحين يتكلمو علشان دوشه جداً .

جراند كافيه  :

فى واحد فى الجيزه فى شارع النيل عند فندق الفورسيزون وفى واحد فى المعادى على النيل القعده هناك حلوه جدا جدا وهو مناسب لو عاوزه تعملى عيد ميلاد او تقضى يوم وهو عبارة عن باخره على النيل الحد الأدنى 25 جنيه بس ده كان فى الصيف دلوقتى ممكن يبقى ب 50 جنيه بس اضمنى انك هتاكلى وتشربى كويس وهتقضى يوم لذيذ على صوت الأغانى والأضاءه التحفه

مطعم الروف بتاع فندق جراند حياة :

اللى فى جاردن سيتى المنظر من هناك خرافة و الخدمة طبعا 5 ستار و رومانسى خالص بس لازم تحجزى طبعا - الخروجة كلها ممكن تتكلف من 1000 ل 1200 لو ليكو انتو الاتنين و كمان ممكن يعملولكو احتفال صغير علشان كتب الكتاب (تورتاية صغيرة وكده ) جو مش هتنسيه خالص .
اللى ف كورنيش المعادى.. جنب عمارات عثمان احمد عثمان - فيها مكان للبولينج و السكيتنج بجد هتبقى روشة وحلوة اوى لو عايزة تغيير انتى و جوزك روعه وخاصه السكيتينج جامد اخر حاجه بس خروجه لبنات بس او واحده وجوزها او واحده وخطيبها و هو محترم عادى جدا..و معقول اوى و مش غالى خالص

quay :

فى المنيل فى شارع عبدالعزيز ال سعود - بس لازم تحجزوا قبله بالتليفون لو جيتوا من غير حجز مش هيدخلوكوا لأنه لازم حجز بس بصراحة هو غالى اووى لكن اكله تحفة و قعدته - غالى بالنسبة لصحاب يروحوه يعنى محتاج يتراح مع ماما و بابا او مع خطيبك او جوزك... يعنى مثلا اقل حاجة فى العصاير 16 جنيه مفيش اقل من كده

دريم بارك :

فى مدخل مدينة 6 اكتوبرجميلة وتحفة بس لو لاسرة كبيرة او عيلة تبقى محتاجة ميزانية لوحدها لكن لو اتنين يعنى الخروجه كلها ممكن تتكلف من 150-200ج بس الاكل هناك مش حلو اوى وغالى شوية وكمان مش بيرضوا يدخلوا اكل هناك بس فيه فى محطة البنزين اللى قدامها كنتاكى ممكن الاكل يكون فيه

النايل بولينج :

تحت كوبري الجامعه ..  مكان ممتاز ..
( جنب كبرى الجامعة من ناحية العجوزة - قعدة على النيل )
رخييص جدا وموقعه بجد جامد جدا - المنيمم بتاعه ب 15 جنيه بس وممكن تاكل واحد سندوتش بانيه وبيبسي وتدفع 14 جنيه بس..وفى قاعه بولينج ومكان بلياردو بجد جااامد اووى

جزيرة المعادى :

على كورنيش المعادى قدام مستشفى القوات المسلحه - رسم الدخول 5 جنيه وكل كافيه جوا ليه مينمم  خاص بيه للفرد والمكان رومانسى مووووت

 بلانيت أفريكا :Planet Africa

مكان حلو و ديكوره عالي أوي و العصير فيه ب 17 جنيه

شيراتون المطار :

كوبايتين عصير مانجا الواحدة ب 30 ... يعني الإتنين 60 و تعد على حمام السباحة و آخر تظبيط ... آه هما 60 جنيه فى 2 عصير ... بس بص للمكان و القعدة الى إنت قاعد فيها عاملة إزاي ... مكان رومانسي و شاعري أوي

سلسلة مطاعم لاكازيتا الإيطالية :

مطعم رومانسي وهادي وجميل وفي نفس الوقت متوسط في السعر ..
الديكور رومانسي جدا وعتيق أوي .. وموسيقى كلاسيك هادئة طول الوقت .. والجرسونات لابسين لبس زمان .. والترابيزات من أيام الملك من زمان .. بجد بحس إني قاعد في سفينة تيتانيك بالضبط .. وده كله ممكن تدفع على 2 بيتزا 30 جنيه بس .. لو ضيفنالهم 2 نيسكافيه .. هيكون الحساب كله 50 جنيه بس ..
بجد لو معاك خطيبتك أو جوزك خدها وروحوا إقعدوا هناك ..بـ50 جنيه بس
العنواين:-
مدينة نصر .. ورا جنينة مول بعد عصير فرغللي .. متفرع من ش الطيران الدقي .. بجوار نادي الصيد مصر الجديدة .. في هيليوبليس
وانتظرى موضوع بكره هقولك على أماكن تانية كتيير جااامده