1-حاولى تكونى حبوبة وبشوشة مع كل الناس وخصوصا صحباتك البنات...يعنى لما تلاقى وحدة صاحبتك جاية فوشك سلمى عليها و ابتسمى حسسيها انك فرحانة انك شوفتيها لما تعدى على مكان فيه بنات وولاد قولى سلام عليكم...لو فى بنات تعرفيهم سلمى عليهم عادى ولو فى بنات فى النص مش عرفاهم سلمى برضو عادى..اما لو معاهم ولاد قولى السلام عليكم او هاى وبس...
2-لو ولد كلمك مرة واحدة بس.. اول ماتشوفيه بعد كدة سلمى عليه عادى بس متوقفيش معاه مجرد بس هاى ازيك او حتى من بعيد شاورى ان هاااى...وابتسمى ابتسامة بسيطة اوى اللى هو يادوب...بس تانى مرة متبدأيش انتى خليه هو اللى يبدأ السلام عليكى... وخليكى واثقة فى نفسك...
3-دايما اتعودى تبصى للناس و انتى بتكلميهم فى عينهم بس مش نظرة تسبيل او تتنيح لا نظرة ثقة فى نفسك ...وخلى بالك انا قلت وانتى بتكلميهم مش ولد يكون واقف بعيد كدة وانتى تقعدى تبصى عليه و تتنحيله... واتكلمى جد متبتسميش وانتى بتتكلمى...
4-بالنسبة للولاد لازم يكون عندك حياء بس متتصنعيش الكسوف عشان هيحسوكى بتمثلى و كمان هيفهموا انك معجبة بيهم لو اتكسفتى اوووووووووى و ضحكتى كدة ضحكة كسوف زيادة عن اللزوم هيحس ان ايه دة هى مالها فى ايه ؟ دى اكيد بتحبنى عشان كدة مكسوفة منى..باختصار يا بنات خلى الناس لما تيجى تتكلم عليكى يقولوا والله البنت فلانة دى بنت جدعة...مش لازم يقولوا امورة لا يقولوا جدعة...
5-فى قاعدة مهمة اوووى ان اوعى اوعى اوعىىى تبينى لولد انك معجبة بيه الاول حتى لو هتموتى عليه...لا نظرة ولا كلمة ولا اىىى حاجة...ثقى انك اول ماتبينيله انك اعجبتى بيه خلااااااص بقى كارت محروق بالنسبالك...افقدى الامل...لأنه هيحس انك بنت سهلة اوووى...
طيب لو عملتى كدة وعايزة تصلحى الموقف..حاولى تبينى العكس
6-خلى بالك الولد بيحب البنت الحازمة الصارمة والمؤدبة يعنى لو حاول يقولك كلام كدة ولا كدة اصل انتى امورة اصل انا بحب اتكلم معاكى اصلى بحب صوتك اصلك سبيشيال ليا عارفين الكلام اللى هو مش محدد موقفه دة... تقوليله يعنى ايه؟؟؟ قصدك ايه؟؟ انت بتقولى كدة بمناسبة ايه؟؟؟ لو سمحت انا بنت جد ومحبش حد يقولى الكلام دة...هتعلى فى نظره اوى اوى اوى...اول مالولد يقولك انا عايز اكلم بابا ساعتها تحسى انه ولد محترم واعجب بيكى بجد...
7-لازم تكونى محافظة على شكلك و شياكتك و جمالك مش معنى كدة انك تتزوقى بقى و تلبسى لبس ضيق و كدة لالالالالا ان شالله حتى لو بتلبسى عباية بس تكون شيك و الوانها لايقة عالطرحة لبسك نضيف متلمع بشرتك حلوة ميك اب خفيف بلاش البنات اللى بتحط الوان غريبة احمر و اخضر و اصفر..دايما لازم يكون لبسك محتشم بجد طبعا عشان خاطر ربنا فى الاول قبل كل حاجة و ثانيا عشان نظرة الولاد بجد بتفرق...
8-لازم تكونى بنت لذيذة ورقيقة و ردودك لبقة افتكرى انك بنت يعنى تكونى ليدى و تدى انطباع انك بنت ناس اووووى طبعا مش بتصنع بس بأخلاقك و تربيتك يعنى بلاش الفاظ غريبة اللى بعض البنات بتقولها لازم تكونى رقيقة بس مش مسهوكة...
9-تعرفى ان الولد يحب البنت الل هيرتبط بيها تكون شحصيتها قريبة من شخصية مامته...اه والله...فعشان كدة حاولى تعرفى مامته شخصيتها عاملة ازاى و تقربى منها...بس بلاش تعامليه هو على انك مامته يعنى...انما خدى شخصيتها وتصرفاتها..
10-لازم تثبتى للولد انك مختلفة عن بقيت الناس و بقية البنات اللى هو عرفهم او شافهم فى حياته ومش زيك زى اى حد...مش زى البنات المدلوقة عالولاد اللى تكلمه كل يوم وتبينله انها معجبة بيه لا حاولى متبينيش دة وتكونى بنت مختلفة...
11-اخر حاجة هقولهالك ازاى تطنشى حد سواء ولداو بنت ومش عايزة تعرفيه تانى...اول ماتشوفيه او تشوفيها ودى وشك الناحية التانية او اديهم ضهرك لو سلموا عليكى بالعافية سلمى بابتسامة صفرا كدة اللى هو ازيك عاملة ايه؟ اللى هو انا مش طايقاك بس لازم اسلم عشان الزوق...طنشى الناس بطريقة غير مباشرة عشان ميقولوش عليكى قليلة الذوق...
و رنا يرزقكم بالزوج الصاح و الذرية الصالحة
ليست هناك تعليقات:
إرسال تعليق