معلومه تهمك

فى كذا معلومه كده كنت عاوزه أقولك عليهم ركزى معايا اوى علشان انا مش هقرر الجمله مرتين :D 

1- دايما تحاولى تغيرى ليفة المواعين لانها مكان أساسى للبكتريا وأقولك على حاجه جامده كل يوم حطى الليفه فى الميكرويف دقيقه هتقتل كل البكتريا الموجوده وهتحسى انك جبتى لوفه جديده والمكان اللى بتحطى فى الليفه يا هانم لو بتخليها فى علبة اى حاجه لازم تغسليها كويس بعد العمليه الخطيرة اللى احنا عملناها دى وتجددى الصابون اللى كان فيها اصلا وتحطى شويه صابون من الأول

2- عشان تسهلى على نفسك غسيل المواعين صبى فى وعاء الصابون واضيفى عليه الماء وقليل من الخل للتطهير ثم ابدائى بالكوبايات وبلوفه خاصه فقط بالكوبايات ثم الاطباق ثم الحلل والطاسات واشطفى الطبق من الفضلات قبل غسله حتى لا تتسخ اللوفه  

3- لما تعملى تيجى تحمرى الفراخ ( مش البانيه الفراخ المسلوقه ) هقولك على خلطه تعمليها هتخلى الفراخ جميلة تجيبى من عند العطار خلطه بانيه ايوه خلطه بانيه انتى لسه هتستعربى وبعدين تجيبى طبق كبير وتحطى فيه لبن وبيضتين وشطه وشويه ملح وكاتشب وتحطى الفراخ فيه وتدخليهم التلاجه ساعه وبعدين تتطلعى الفراخ وتحطيها فى الفيجتار وخلطه البانيه والشطه حسب الرغبه طبعاً وبعدين تحمريها وبالهنا والشفا

4-علشان البانيه مايتحرقش منك او الفيجتار يفك منك فى الطاسه خلى الزيت أقل من قطعة الفراخ بمعنى أن الزيت مايغطيش قطعة الفراخ وتحطيها بعد ما تتأكدى أن الزيت بقى سخن وبعدين تهدى النار وتشيلها بقى لما يبقى لونها ذهبى

5- اشترى الطماطم واختريها بعنايه وقسميها فى اكياس وضعيها فى الفريزر ولما تيجى تتطبخى خرجى الكميه اللى انتى عاوزها وسبيها فى المياه وبعدين قطعيها هتلاقى قشرة الطماطم بتتشال كلها اضربيها فى الخلاط وكده مش هتحتاجى تصفيها وتكونى احتفظتى بالطماطم لفترة طويله من غير ما تضرب

6- لو عايزه تحتفظى بالكمون والكسبره حطيها فى التلاجه

استنى نصايح بكره من همستنا

وكل سنه وأنتم طيبين