انتـى مــش انـتـى فــى 30 يــوم

برنامج تفتيح البشره للوجه وللجسم فى خلال 30 يوم وخلى بالك من الفرق والنعومه والاجمل ان هو بيتكون من حاجات خفيفه وسهله موجوده فى كل بيت يعنى مش هتتعبى فى حاجه خاااالص كل المطلوب منك انك تمشى على البرنامج بظبط  مسك الصباح : اغسلى وجهك جيداً وابدأى بتحضير الخلطه معلقة زبادى كبيرة ونصف معلقه عصير ليمون ومعلقه عسل نحل وتخلطيهم جيداً وتوزعيها على بشرتك بشكل كافى وتتركى الخلطه دى على بشرتك ساعه كامله مش اقل من ساعه ومش اكتر من ساعه وبعد كده بتغسلى وشك وبتحطى كريم مرطب بعدها .

مسك المساء : تغسلى وجهك جيداً واظن من السهل انك تشترى من عند اى عطار حبة بركه و ارز مطحون هتحطى معلقه كبيرة من حبه البركه وعليها معلقة ارز فى كوب ماء وتخلطيهم مع بعض  وتوزعيها على بشرتك وبعد ساعه تغسلى وشك 

تعالى بقى فى نهاية الاسبوع واعملى اى مسك من عندك وسخنى مياه فى حله وسبيها لحد ما تغلى وبعدين قربى وشك منها بس مش اوى علشان وشك كده هيتحرق لا من على بعد لحد ما تزهقى وبعدين اغسلى وشك هتحسى بفرق كبير ده حمام بخار بيتى وطبعا مش هوصيكى على الحاجات الطبيعيه علشان شكلك هيبان زى النوم الكافى واكل الخضروات وشرب العصاير الطبيعيه .

بس خلى بالك بقى مش كل يوم تعملى البرنامج ده لأ كل يومين علشان بشرتك واوعى تعملى مسك المساء الاول وبعدين مسك الصباح لا بترتبهم كده لان مسك الصباح يقوم بازالة الدهون والحبوب من البشرة ولازم يتعمل قبل مسك حبة البركه ونوعدك انك هتلاقى الفرق اللى انتى بدورى عليه